İnsan həyatının ən böyük mübarizələrindən biri də, daxili qorxularını yenməkdir. Bəs qorxu həqiqətən nədir? Onun mənbəyi nədir və insan həyatına necə təsir edir?
Əslində insan təbiətən qorxusuz doğulur. Kiçik uşaqlar həyatda nəyisə etməkdən çəkinmirlər, səhv etməkdən qorxmurlar. Zaman keçdikcə isə cəmiyyət fərdlərə qorxunu öyrədir. Bu qorxular, adətən uğursuzluqdan, başqaları tərəfindən qəbul edilməməkdən, cəza almaqdan və ya tənqid edilməkdən ibarət olur. İnsan böyüdükcə bu qorxular həyatını tamamilə idarə etməyə başlayır və fərd artıq öz istəkləri ilə deyil, qorxularının təsiri ilə həyatını formalaşdırır.
Əslində, cəmiyyətin yaratdığı Matrix-in ən güclü silahı məhz qorxudur. Matrix, fərdləri qorxu vasitəsilə idarə edir və onların həyat enerjisini məhv edir. Bir insan nə qədər çox qorxarsa, o qədər çox idarə edilə bilir. İdarə edilən insan isə öz həyatının əsl sahibindən çox, cəmiyyətin istəyinə uyğun yaşayan, əsl şəxsiyyətini itirən bir varlığa çevrilir.
Qorxu, insanın inkişafının və potensialını həyata keçirməsinin qarşısında ən böyük maneələrdən biridir. İnsan evinə gələn faturadan, dövlətin verəcəyi cəzadan və hətta başqalarının onun haqqında nə düşünəcəyindən belə qorxar hala gəlir. Halbuki, bunların heç biri insanın həyatı üçün həqiqi təhlükə deyil. Bu qorxular sadəcə süni şəkildə yaradılmış, insanların hərəkətlərini məhdudlaşdırmaq üçün istifadə edilən vasitələrdir.
Qorxunu məğlub etmək üçün insan ilk olaraq qorxularının mənbəyini sorgulamalıdır. “Niyə qorxuram?” sualını özünə tez-tez verməlidir. Bu sual, fərdin öz qorxuları ilə üzləşməsinə və onların əsassızlığını anlamasına kömək edəcəkdir. Əgər qorxunun arxasında həqiqi və real təhlükə yoxdursa, deməli, bu qorxu sadəcə zehnin yaratdığı bir illüziyadır.
Qorxunu məğlub etməyin yeganə yolu, hərəkət etmək və məsuliyyəti öz üzərinə götürməkdir. İnsanın içindəki qorxunu məğlub etməsinin yolu, həyatda qarşılaşdığı çətinliklərə qarşı güclü bir iradə və qətiyyətlə hərəkət etməsindən keçir. Hərəkət edən insan, qarşısına çıxan maneələri aşdıqca özünə olan inamı güclənər, özünə olan inam gücləndikcə isə Matrix-in insan üzərindəki təsiri azalır.
Nəticədə, Matrix-in qorxu ilə idarə etdiyi fərd artıq heç bir qorxunun onu idarə edə bilməyəcəyini anlayır və beləliklə tam azadlıq qazanır. Həqiqi güc budur: qorxularını məğlub edib, Matrix-dən azad olmaq və öz həyatının idarəsini tam olaraq öz əlinə almaqdır. İnsan yalnız qorxularına qalib gəldiyi an həqiqi mənada öz həyatını yaşamağa başlayır. Unutmayın ki, qorxmadığınız müddətcə heç kim sizi dayandıra bilməz. Qorxmamaq, həqiqətən də ən böyük gücdür.
